परमपूज्य नाना महाराजांचा जन्म २२ जुलै १९२२ रोजी रत्नागिरी जिल्ह्यातील आतवणे या गावी एका मध्यमवर्गीय ब्राह्मण कुटुंबात झाला. बालपणापासूनच त्यांना आध्यात्मिक जीवनाची ओढ होती आणि संत ज्ञानेश्वर महाराजांच्या तत्त्वज्ञानाचा व शिकवणीचा त्यांच्यावर मोठा प्रभाव होता. शिक्षण पूर्ण केल्यानंतर ते भारतीय सैन्यात ‘सिव्हिलियन’ म्हणून रुजू झाले आणि त्यांनी ब्रह्मदेशातील (म्यानमार) दुसऱ्या महायुद्धात सहभाग घेतला. सैन्यातून निवृत्त झाल्यावर त्यांनी अनेक वर्षे ‘हिंदुस्थान कन्स्ट्रक्शन लिमिटेड’मध्ये ड्राफ्ट्समन म्हणून काम केले आणि १९८० मध्ये ते निवृत्त झाले. नोकरीत असतानाही ते नियमितपणे आपल्या सहकाऱ्यांसाठी प्रवचने आयोजित करत आणि आपले आध्यात्मिक अनुभव त्यांच्याशी शेअर करत असत.